Furðuleg hugrenningatengsl

Af einhverjum ástæðum hefur mér verið efst i huga í allan morgun gamli húsgangurinn: Nú er úti veður vott, verður allt að klessu, ekki á hann Grímur gott að gifta sig í þessu. Þetta er kannski ekki alveg við hæfi og væri ábyggilega nær að raula Þorraþræl eftir Fjallaskáldið. Ég þarf alltaf að vera eitthvað svo öfug. Kannski er votviðrið svona mikið í huga mínu því mig dreymdi í nótt að ég væri í baði og vatn flæddi yfir baðkersbrúnina.

Athugasemdir

[Hrönn Sigurðardóttir, 7.2.2008 kl. 09:52]

Þú ert bara svona berdreymin! Það á að fara að rigna..........

[Sigurlaug B. Gröndal, 7.2.2008 kl. 11:06]

Það kæmi mér ekki á óvart að vel eigi eftir flæða víða þegar hlánar og við eigum von á suddarigningu og roki. Þá syngjum við báðar hástöfum!

[Heidi Strand, 7.2.2008 kl. 16:29]

 Halló Steingerður

Sólarkveðju frá Malaga. Ég get ekki  lesið blogg hér úti vegna svört rönd með auglýsingu. Tað er líka á mína síðu.

[Hugarfluga, 7.2.2008 kl. 17:40]

Ekkert öfugt við þetta þannig séð. Þætti síður við hæfi að söngla "Logn og blíða, sumarsól, sveipar gulli dal og hól."

[Þorsteinn Valur Baldvinsson, 7.2.2008 kl. 22:42]

"Ímyndunarafl er mikilvægara en þekking. Þekking er takmörkuð, ímyndunaraflið spannar alheiminn" - Albert Einstein (1879-1955)

[Marta B Helgadóttir, 9.2.2008 kl. 00:37]

Það á víst að rigna, ég kýs frekar snjóinn.

[Heiða Þórðar, 9.2.2008 kl. 11:43]

Já skrítið Steingerður...hjá mér er það; sól sól skín á mig ;) njóttu dagsins elskan.

[Guðný Anna Arnþórsdóttir, 9.2.2008 kl. 12:27]

Mágkona bróður míns orti eitt sinn, í Volkswagenbjöllu með bróður mínum (mági sínum) einn votan haustdag, á leið frá Garðahreppi til Reykjavíkur: nú er úti veður vott, verður allt að klessu, viltu ekki Valur minn, vera bróðir Hiddu? Mér hefur alltaf fundizt þetta einkar skemmtilegt og deili þessu hér með þér!