Nú er ég reið!

Nú er ég reið! Að vanda fór ég út með hundinn í morgun og við urðum auðvitað forarrennandi blautar. Ég ætla svo sem ekki að fara óskapast út í almættið fyrir veðrið en þegar ég var rétt að koma að húsinu heima gerði ökumaður sér lítið fyrir og keyrði í veg fyrir mig á gangbraut og jós í leiðinni yfir mig ísköldu og drullugu vatni úr polli. Þetta var á gatnamótum Digranesvegar og Vallartraðar klukkan rétt rúmlega átta í morgun. Þarna er hraðahindrun og mjög auðvelt að stoppa. Þetta ljúfmenn kaus að gera það ekki þótt ég væri komin út á miðja gagnbrautina og í þann veginn að ganga í veg fyrir hann. Hann ók samt hiklaust áfram og ofan í poll við hraðahindrunina og ég fékk gusuna yfir mig. Þetta var eins og atriði úr bíómynd en ekki datt kvikindinu í hug að stoppa og athuga hvort ég væri í lagi. Maðurinn var á stórum svörtum jeppa og aftan á honum við skottið voru silfurlitaðir listar. Því miður þekki ég ekki Volkswagen frá vörubíl en ef þessi tiltekni ökumaður rekst inn á þessa síðu þá vil ég benda honum á að hann er skúmpoki (scumbag).

Athugasemdir

[Heidi Strand, 27.10.2007 kl. 10:10]

Kannski var hugurinn við eitthvað allt annað en við aksturinn. Að aka jeppa á malbiki er mikil kúnst. Þú getur þakkað fyrir að þið lentuð ekki undir bílnum.

[Marta B Helgadóttir, 27.10.2007 kl. 15:48]

Taka niður númerið, hafa upp á eigandanum, heimsækja hann og lemja hann í klessu Þoli ekki svona rudda.

Eða vera klæddur góðum hlífðarfatnaði - sem er kannski einfaldara

[Guðríður Hrefna Haraldsdóttir, 27.10.2007 kl. 17:45]

Megi þessi skúmpoki fá þrefaldan þennan drulluskammt yfir sig næst þegar hann hættir sér út úr bílnum. Er öskureið fyrir þína hönd!!!

[Marta B Helgadóttir, 28.10.2007 kl. 21:03]

Jæja nú þarf að lesa nýjasta nýtt á minni síðu. Er nokkur leið að tæla konuna með í leshópinn?