Efnafræði fyrir byrjendur

Eitthvað brást mér nú bogalistin í annálnum mínum því sonur minn sá ástæðu til að benda mér á að hann er í MS-námi en ekki MA-námi. Efnið sem hann byrjaði á að rannsaka er aðeins lítill hluti af rannsókninni og eiginlega orðið aukaatriði í henni núorðið. Mér tókst líka að rugla gersamlega því sem tengdadóttirin er að gera, enda hef ég aldrei verið neinn snillingur í efnafræði. Nú þori ég ekki einu sinni að reyna að segja nokkurn hlut um starf þeirra. Látum nægja að segja að bæði stundi þau rannsóknir.

Athugasemdir

[Hrönn Sigurðardóttir, 4.1.2008 kl. 19:55]

....en þú átt örugglega son?

[steingerður Steinarsdóttir (IP-tala skráð) 5.1.2008 kl. 09:58]

Það er allsendis óvíst.

[Linda Lea Bogadóttir, 5.1.2008 kl. 14:41]

Það getur reynst erfitt að fylgjast með þessum börnum alla leið og því námi sem þau stunda. Þetta er þó skárra en konan sem ég heyrði um sem átti son í námi í USA - Hún sagði við hvern þann sem spurði að hann sonur hennar væri annað hvort í mastersnámi eða doktorsnámi... henni væri bara fyrirmunað að halda utan um allt þetta langa nám sem hann stundaði. Þegar svo Íslendingur einn hitti hann á förnum vegi í USA kom í ljós að hann var sko ekkert í neinu námi heldur bara bensíntittur hjá TEXACO. En auðvitað naut hann fjárhagslegs stuðnings frá foreldrum sínum því þau héldu að hann væri í námi! Ekki fallegt ...

[Guðríður Hrefna Haraldsdóttir, 6.1.2008 kl. 02:50]

Strákurinn vann um tíma í sláturhúsi og ég var búin að gleyma því þegar ég fór í virðulega afmælisveislu. Ég sagði að hann væri hjartaskurðlæknir, næsti bær við. Múahahhahaha ... Ég hlakkaði til að hitta þig í kvöld ... hvar varstu?