Gargandi snilldarlaust í morgunsárið

Að venju brugðum við Freyja okkur niður í Kópvogsdal í morgun. Við vorum fremur árla á ferðinni og enginn annar sjáanlegur í dalnum. Ég hætti því á að losa tíkina og leyfa henni að hlaupa ögn um. Hún var frelsinu fegin og ég gekk af stað niðursokkin í hugsanir. Skyndilega heyrði ég skvamp og gæsahópur flaug upp með slíku og þvílíku gargi að aðeins mjög heyrnardaufir Kópavogsbúar og Garðbæingar hafa náð að ljúka morgunblundinum undir þessari tónlist. Ég kom böndum á kvikindið hið snarasta, setti hausinn undir mig og forðaði mér með friðarspillinn eins hratt og ég gat. Hver veit nema morgunfúlir hefðu gripið til vopna, menn hafa nú verið skotnir fyrir minna í Bandaríkjunum.

Athugasemdir

[Þorsteinn Valur Baldvinsson, 31.1.2008 kl. 10:29]

Líst vel á Freyju, ættir kannski að hafa með þér haglabyssu næst og sameina góðan göngutúr og veiðiferð.

[Hrönn Sigurðardóttir, 31.1.2008 kl. 12:38]

hehehehehe það hefur verið gaman hjá henni! Svo er svefn stórlega ofmetinn. Sérstaklega fyrir Kópavogsbúa og Garðbæinga

[Hugarfluga, 31.1.2008 kl. 15:16]

Hahaha .... aldrei má maður ekki neitt!  Freyju langaði bara í gæsapartý!!

[Alma (IP-tala skráð) 31.1.2008 kl. 20:01]

Múahahahaha, sé þig í anda með hundinn og hólkinn í Kópavogsdalnum í morgunsárið að plaffa á eftir gæsum

[Ásgeir Rúnar Helgason, 2.2.2008 kl. 11:46]

Góðan daginn!

[Marta B Helgadóttir, 3.2.2008 kl. 13:10]

he he he eins gott að forða sér

[Kolbrún Baldursdóttir, 3.2.2008 kl. 22:06]

Freyja er virðulegt hundanafn. Ef þú veist um gott nafn á tík þá endilega láttu mig vita. Við eigum von á Dalmadömu í sumar ef allt gengur samkvæmt áætlun.