Kveldúlfur er kominn í ...

Ég sé á tölvupóstinum að ég hef misst af miklu í gærkvöldi. Bloggvinafundurinn tókst með slíkum ágætum og greinilegt að þar hefur heyrst bæði bloggbloggblogg og bloogblooogbloog. Ég svaf þetta frábæra kvöld af mér. Ég ætlaði að horfa á fréttirnar á Stöð 2 áður en ég færi af stað, sofnaði og vaknaði ekki fyrr klukkan var langt gengin í ellefu. Þá var ég hálfstúrin og eitthvað svo löt að ég fór að ráða vísbendingakrossgátu Morgunblaðsins. Sat við það fram til miðnættis en þá taldi ég mig hafa náð að ráða gátuna. Reyndar er eitt orðið vitlaust miðað við vísbendinguna en ég hallast að því að krossgátuhöfundur hafi þarna gert mistök. En það kemur í ljós í næstu viku. Ég hvet ykkur bara til að boða fljótt til annars fundar kæru bloggvinir og þá skal þess skyndilega kvöldsvæfa kona útiloka að kveldúlfur komist að henni.

Athugasemdir

[Aðalheiður Magnúsdóttir, 6.1.2008 kl. 18:02]

Það er bara einfaldlega svo gott að sofa allavega finnst mér það þessa dagana.

[Marta B Helgadóttir, 7.1.2008 kl. 08:10]

Nú er bókaspjallið í gangi á síðunni minni, vildir þú senda inn aths?

[Jenný Anna Baldursdóttir, 7.1.2008 kl. 08:55]

Ég tók upplýsta ákvörðun um að mæta ekki, er haldin einhverju Eyvindar og Höllu syndromi þessa dagana.  Ætti að vera við veðurathuganir á Hveravöllum, hvergi kjaft að sjá.  Gleðilegt ár kæra bloggvinkona.

[Marta B Helgadóttir, 8.1.2008 kl. 01:32]

Það var leitt að þú skyldir ekki koma, verður vonandi með næst.

[Guðný Anna Arnþórsdóttir, 8.1.2008 kl. 20:57]

Komst ekki heldur; reyndar af öðrum ástæðum en Kveldúlfi í kellingunni. Sjáumst síðar!

[Katrín Snæhólm Baldursdóttir, 9.1.2008 kl. 23:03]

Það var voða gaman....þú kemur bara næst.