Forest Whitaker fær óskarinn

Ég sá myndina The Last King of Scotland í gær og var bókstaflega eins og kýld ofan í sætið á eftir. Myndin er mögnuð og Forest leikur þetta frábærlega. Ef hann fær ekki óskarinn fyrir þessa mynd skal ég éta hattinn minn. Ég var líka heilluð af James McAvoy sem lék Nick Garrigan. Persónan var það áhugaverð að ég fletti upp á Netinu í dag og komst að því að hún var ekki til í raunveruleikanum en var búin til af rithöfundinum Giles Foden sem hefur skrifað mikið um Afríku.

Athugasemdir

[Svava S. Steinars, 21.2.2007 kl. 23:47]

Best að gefa þér hatt í hvelli. Ef hann fær ekki verðlaunin er ég samt til í að sjá þig éta hattinn.

[Guðríður Haraldsdóttir, 22.2.2007 kl. 00:00]

Ég skal baka hatt handa þér og þá getur þú étið hann, ef þú þarft!!!