Skaðræðisdýr

Stundum borgar manngæskan sig greinilega ekki. Að undanförnu hefur húsið okkar nefnilega verið fullt af geitungum og ég samviskusamlega veitt þá í glös og farið með þá út fyrir og sleppt þeim. Nú leikur hins vegar grunur á að bú reynist í strompnum því þeir koma í tugatali inn á baðherbergi gegnum viftugat sem liggur út í strompinn. Eva ætlaði sem sé í bað í dag og þá voru tveir geitungar þar á sveimi. Ég óð inn vopnuð glasi og tusku og ætlaði veiða greyin. Það skipti þá engum togum, þeir réðust á mig og náðu báðir að stinga mig í magann. Þetta var hræðilega sárt en ég hef fjórum sinnum áður verið stungin af geitungum og þá fann ég alls ekki svona mikið fyrir þessu. Ég er með stóra bólguhellu á maganum og fæ stingi í hana af og til. Ætli geitungastungur verði verri því oftar sem maður er stunginn?

Athugasemdir

[Guðríður Hrefna Haraldsdóttir, 4.8.2007 kl. 20:33]

Æ, elskið mitt, sendi þér batakveðjur. Þetta eru skaðræðiskvikindi, satt segir þú. Mikið er ég fegin að búa við sjóinn, nú sætti ég mig algjörlega við að hafa ekki "pott" á svölunum, hitasvæði þar sem hreyfist ekki hár á höfði.

Sjáumst ... í síðasta lagi 12. ágúst. Vonandi kemur þú með karlinn með, og systur ...

[Guðný Anna Arnþórsdóttir, 4.8.2007 kl. 22:34]

Samúð, samúð, settu Aloe Vera gel á stungustaðina. Og ýttu á drápstakkann... (vedrörende insekter....)

[Heidi Strand, 5.8.2007 kl. 06:24]

Þetta er slæmt að heyra. Laun heimsins eru oft vanþakklæti. Kannski er best að leita læknis. Geitungarnir eru svo aggressívir í ágúst. Ég fékk einu sinni geitung upp í mig í garðveislu í Hafnarfirði. Hann hafði laumist ofan í bjórglasið svo lítið bar á. Hann náði ekki að stinga vegna látanna í mér þegar ég kom honum út úr munninum.

[Aðalheiður Magnúsdóttir, 5.8.2007 kl. 13:34]

Ekki er þetta nú gott, en fáðu þér claritín það er ólyfseðilsskylt ofnæmislyf Það var það sem virkaði á svona hellumyndun eftir flugnastungur í Eistlandi í vor (að læknisráði var það notað) Svo er annað ráð til að veiða þessar elskur settu Sevenup í glas eða krukku og staðsettu þar sem geitungarnir sveima þeir sækja í sykurinn og drukna í þessum vökva