Klóra sína lúsugu búka

Ég fékk hreint unaðslegan tölvupóst áðan. Kunningjakona mín sem er af þýskum uppruna sendi mér póst þar sem minnst var á Þjóðarbókhlöðu og Landsbókasafn en eitthvað brenglaðist pósturinn í meðförum milli minnar tölvu og hennar. Þannig varð Landsbókasafn Íslands að Landsbúkasafni Öslands og Þjóðarbókhlaðan að Þjóðarbúkhlöðunni. Þetta hefur skemmt mér ósegjanlega mikið síðastliðinn hálftíma. Af einhverjum ástæðum finnst vinnufélögum mínum þetta ekki alveg jafnfyndið svo þeir kíma aðeins lítillega á meðan ég veltist um í viðurstyggilegum hláturrokum og velti fyrir mér hvernig þjóðarbúkur Íslendinga líti út. Í póstinum var líka talað um skúlabúkaksafn. Hugsið ykkur alla aumingja Skúlana sem nú trítla búklausir um götur bæjarins vegna þess að búkar þeirra eru orðnir safngripir. Þetta minnir okkur auðvitað líka á vísuna góðu um Mýramenn sem í koppa sína kúka og klóra sína lúsugu búka. Já, ætli búkurinn sé ekki suður í Borgarfirði rétt eins og botninn.

Athugasemdir

[Andri (IP-tala skráð) 6.9.2007 kl. 19:27]

Þér eruð búklaus kúkhaus

[steingerður Steinarsdóttir (IP-tala skráð) 6.9.2007 kl. 20:08]

Ó minn kurteisi sonur.

[Katrín Snæhólm Baldursdóttir, 8.9.2007 kl. 08:52]

hahahaha Þetta Er sko fyndið. Sonur yðar líka..hehe.

Svo finnst mér líka alltaf fyndið að þegar eðið gleymist verður maður maur.

[Guðný Anna Arnþórsdóttir, 9.9.2007 kl. 21:21]

Sé þig í hlátur-spassa-kastinu... Mér finnst þetta líka býsna fyndið! Það er einmitt auðvelt að hella sér í afleiddar vangaveltur eftir svona leik með mál... viljandi eða óviljandi...

[Marta B Helgadóttir, 9.9.2007 kl. 22:50]

Nú sprakk ég   .... og er ennnnnn að hlæja