Dorgað við sjónvarpið

Líkt og allir vita hef ég gaman af bögumælum og ambögum ýmiss konar. Í gær heyrði ég sögur af konu sem var nokkuð óðamála og kannski ekki alltaf með öll orðatiltæki á hreinu. Eitt sinn mætti þessi kona venju fremur framlág í vinnu og gaf þessa skýringu á þreytu sinni: „Ég tók vídeóspólu í gærkvöldi og lá svo dorgandi yfir sjónvarpinu í allt gærkvöld og var andvana í alla nótt.“ Þetta finnst mér óstjórnlega skemmtilega að orði komist.

Athugasemdir

[Lilja Guðrún Þorvaldsdóttir, 2.6.2008 kl. 18:52]

Þetta er alveg toppurinn !   

 Ég þekki líka eina sem m.a. sagði : - Þá vissi ég bara ekki fyrr en það kemur þessi líka Tröll úr heiðskýru lofti, - og við þustum öll inn,  annars veit ég ekkert betra en að vera á skíðum út í "guðs grænni náttúrunni".  -

En það toppar ekkert þessa dorgandi, andvana konu.

[alva (IP-tala skráð) 2.6.2008 kl. 21:44]

já, vinkona mín sagði alltaf; öllu er best, skotið á frest.... svo sagði systir mín í dag; þvílíku skýjakljúfarnir...ætlaði að segja; þvílíku skýjabakkarnir...

[Sigurlaug B. Gröndal, 2.6.2008 kl. 21:49]

Hver skyldi aflinn hafa verið?Hehehehehehehe þetta er alveg milljón! Þetta er svona "Bibbu á Brávallagötu" syndrome!

[Hrönn Sigurðardóttir, 3.6.2008 kl. 00:51]

Ég á eina svona vinkonu! Hún er ótæmandi fjársjóður fliss.......... Hún talar um "Glennu Gloss" og við vitum hvað hún meinar en kannsi enginn annar......

[Jenný Anna Baldursdóttir, 3.6.2008 kl. 10:03]

Ég kannast við eina sem kemur aldrei fyrr en eftir djúpan disk.

[Marta B Helgadóttir, 5.6.2008 kl. 21:38]

þið eruð óborganlegar

[Gúnna, 8.6.2008 kl. 15:06]

HUH (= lol, þe. hlegið upp hátt)

Það er svo gaman að svona bulli

[Linda Samsonar Gísladóttir, 8.6.2008 kl. 16:02]

Skyldi hafa bitið á hjá henni???????

[Linda Samsonar Gísladóttir, 8.6.2008 kl. 16:04]

Muniði eftir setningunni úr Sódómu þegar pilturinn segir við stúlkuna í kulinu úti á svölum: " Láttu ekki slá um þig, þú gætir forskalast"

Þetta er uppáhalds setning mín úr Íslenskri kvikmyndasögu